廣東話夾英文都聽得明

香港開會好少淨係講一種語言：「呢個 proposal 我哋 next week 再 confirm」一句已經轉咗三次。大部分會議工具每次會議只揀一種語言，結果唔係英文聽唔到，就係廣東話變晒普通話書面語。Audiee.ai 喺你部 Mac 度錄音，唔使機械人入會，預設嘅「混合」模式照住講嘅內容轉寫廣東話、普通話同英文，連語氣詞都保留。

點解廣東話轉寫成日漏字

• 口語唔等於書面語。講「佢哋唔係咁講」，好多模型會寫成「他們不是這樣說」，甚至直接跳過認唔到嘅口語字。Audiee.ai 嘅逐字稿保留口語，摘要先轉書面語。
• 一句轉幾次語言。以英文為主嘅模型會將廣東話當雜音；以普通話為主嘅模型會將 proposal 寫成近音字。Audiee.ai 將廣東話、普通話、英文同混合模式交俾專門處理中英夾雜嘅語音模型。
• 語氣詞俾人當雜音。啦、喎、囉、咩、啫決定咗一句係問題定提醒，好多工具會「清理」走。Audiee.ai 唔會。
• 人名同術語。同事叫 Wing、客叫陳生、項目叫 Phoenix——你改正過一次，之後每次開會都會當熱詞交俾識別模型。

詳細解釋見英文文章 Why Cantonese transcription drops words。

用法

1. Zoom、Google Meet、Teams、飛書會自動彈出提示問你使唔使記錄；其他通話（WhatsApp、WeChat、線下會議）撳 Ctrl+M。
2. 語言揀「混合」（預設）或者廣東話，會議中途都可以喺實時視窗轉。
3. 會議完一分鐘內有摘要、你要跟進嘅事、等緊人哋嘅事，全部係你 Mac 上嘅 Markdown 檔案。

做唔到嘅嘢

• 兩個人同時講嘢（crosstalk）會甩字，暫時冇系統做得好。
• 藍牙耳機開咪慢，每段說話嘅頭半秒會冇咗；用有線或者 Mac 內置咪就冇呢個問題。
• 講話者名：Zoom 上面會自動標名（要開輔助功能權限）；Meet 同 Teams 會顯示「講者 1」，改一次名就得。
• 第四種語言：混合模式包廣東話、普通話同英文，中間夾句日文就只能估。

音頻去咗邊

音頻經 Audiee.ai 嘅網關送去新加坡嘅語音服務轉寫，以文字返嚟；Audiee.ai 嘅伺服器唔保留音頻或者逐字稿，亦唔會用嚟訓練模型。逐字稿同筆記係你 Mac 上面嘅檔案。逐項說明見 數據去向。

Otter、Fireflies 支援廣東話嗎？

Otter 只支援六種語言，中文只有普通話；Fireflies 嘅混合語言模式要 Business 或以上方案先有。詳細比較見 Cantonese transcription: Audiee.ai vs Granola, Otter, Fireflies（英文，2026 年 9 月核對）。

逐字稿係口語定書面語？

逐字稿照住講嘅嘢寫，保留口語（佢哋、唔係、咁）同語氣詞，方便你對返錄音；會後嘅摘要就用書面語寫，可以直接貼落電郵。

要唔要話俾其他人知？

要。Audiee.ai 唔會出現喺會議入面，所以通知其他人係你嘅責任；第一次錄音前會彈出提示。香港冇法例禁止你錄自己有份參與嘅對話，但為工作錄音，私隱專員公署期望你開始前講明喺度錄、錄嚟做咩。詳見 開會錄音合法嗎。

免費下載 Audiee.ai：每月 3 個鐘轉寫，唔使信用卡。錄兩分鐘廣東話會議，對住錄音睇下「佢哋」有冇保留到。